கனவாய் கழிந்தது..

மாலை நேர மரத்தடி நிழலில் 

மெல்லிய காற்று மிதமாய் வீச 

இயற்கையை இரசிக்கும் உந்தன் தோளில்  

உன்னை இரசித்து நானும் சாய்ந்தேன்..

சட்டெனக் காற்று என் முகம் வருட 

ஒரு கணம் இமைகளை மூடித் திறந்தேன்;

காற்றில் கலைந்த என் காதோர முடியை 

உன் விரல் ஒதுக்க தேகம் சிலிர்த்தேன்...

உன் கைவிரலில் நெட்டி எடுத்து 

இருளும் வரையிலும் கதைகள் பேசி 

கண்ணும் கண்ணும் பிரியாவிடை பெற 

கனவாய்  கழிந்தது நேற்றய இரவும்...